Тошкент, 24 апрель - "Локомотив" олий лиганинг навбатдаги тур учрашувини ўз майдонида "Пахтакор"га қарши ўтказади. Тошкент дербиси мақомини олган ушбу ўйинга ҳозирданоқ қизиқиш юқори. Чунки ҳар иккала жамоа миллий биринчиликда чемпионлик учун курашмоқда.   Биз ушбу ўйинга келиш истагида бўлган ОАВ ходимларини рўйхатга олиш бошланганини маълум қиламиз. Рўйхатдан ўтиш учун Сиздан электрон почтамизга исм-шарифингиз ҳамда иш жойингизни ёзиб юбориш сўралади. Электрон почтага хат юборган журналистларга ўйин куни "Media Ticket" (Матбуот чиптаси) берилади. "Media Ticket" эгаси ўйин пайти медиа трибунада ўтириб ишлаш ҳамда ўйиндан кейинги матбуот анжуманига кириш ҳуқуқига эга бўлади.   "Локомотив" стадионида журналистлар учун ажратилган жой унчалик кўп эмас. Шу боис тезроқ ҳаракат қилиб рўйхатдан ўтишингизни сўраймиз.   Электрон почтамиз: lokomotiv.media@mail.ru   Эслатиб ўтамиз, "Локомотив" - "Пахтакор" баҳси 27 апрель куни бўлиб ўтади. Ўйиннинг бошланиш вақти - 17:00.   Изоҳ: "Локомотив" футбол клуби муҳри туширилган "Media ticket" (Матбуот чиптаси)гина ҳақиқий ҳисобланади.   "Локомотив" футбол клуби матбуот хизмати.