Черногориялик футбол мухлиси Лука Лазаревич Евро-2016 саралаши доирасида Черногория ва Россия терма жамоалари ўртасида ўтказилган учрашувнинг биринчи дақиқасида меҳмонлар дарвозабони Игор Акинфеевнинг бошига петарда отганликда айбланиб, 3 ярим ойга қамалди. Шунингдек, унга 750 евро миқдоридаги жарима белгиланган. Бу ҳақда vijesti.mе хабар берди.
Эслатиб ўтамиз, 28 март куни ўтказилган ушбу учрашув дарвозабонга отилган петарда туфайли 30 минут тўхтаб қолиб, сўнг дабом эттирилган, лекин 67-дақиқадан кейин яна жанжал бошланиб, ўйинни тугатишнинг иложи бўлмаган эди.
Кейинчалик, УЕФА Черногория термасига 0:3 ҳисобидаги техник мағлубият ёзганди.
Акинфеев эса айни вақтда соғайиб кетган ва ўйинларда иштирок этмоқда.
