«Бавария» бош мураббийи Хосеп Гвардиола жамоа ярим ҳимоячиси Бастиан Швайнштайгернинг келажаги борасида ўз фикрларини билдириб ўтди.
«Ўйлайманки, Бастининг тақдири ўз қўлида. Ҳозирги ҳолатда якуний қарорни ўзи қабул қилади. Ўйинчининг бир, икки, уч ёки тўрт йилга қолишини мураббийнинг ёлғиз ўзи ҳал қила олмайди. Буюк клуб тарихида юлдузлар ҳамиша ўзлари қарор қабул қилишган.
Басти сўнгги 2 йил ичида кўп жароҳат олди. У ўйнашга бироз тайёр бўлса ҳам, майдонга туширилди», — дейди Гвардиола.
Швайнштайгернинг «Бавария» билан амалдаги шартномаси 2016 йилгача амалда бўлади. Ҳозирча шартномани узайтириш борасидаги музокаралар тўхтатилган. Бироз вақтдан кейин томонлар бу мавзуга яна қайтишни режалаштиришган.
