“Фенербахче” жамоаси автобуси яна бир бор фанатлар ҳужумига учради. Бу ҳақда TGRT Haber хабар берган.
Бу ҳодиса Туркия кубоги доирасида, “Бурсаспор” ва “Фенербахче” жамоалари орасидаги ярим финал баҳси арафасида рўй берган. Рақиб жамоасининг 30 нафарга яқин фанати меҳмонлар автобусини ўраб олган ва тошбўрон қилган.
Бу ҳужумдан футболчиларнинг ҳеч бири шикастланмагани айтилмоқда.
Эслатиб ўтамиз, 5 апрель куни “Фенербаҳче” жамоаси “Ризеспор” билан сафар учрашувидан қайтаётганида, рақиб мухлисларидан бири жамоа автобуси рўпарасидан чиқиб, уни ўққа тутган ва ҳайдовчи жароҳатланиб, шифохонага ётқизилган эди.
