2 май куни ўтказиладиган “аср жанги”да иштирок этиш учун Лас-Вегас шаҳрига етиб келган Флойд Мейвезер (47-0, 26 КО) ва Мэнни Паккьяо (57-5-2, 38 KO) машғулотларни деярли якунлашди. Матбуот марказида бўлиб турган боксчилар жанг олдидан ўз фикрларини ҳам баён қилишга улгуришяпти.
“Мен Флойднинг аввалги 47 рақибидан фарқ қиламан. Тезлик ва техника бобида улардан устунман. Ўйлайманки, 2 май оқшомида Мэйвезер фаолиятидаги илк мағлубиятини қабул қилиб олади. У фаолиятимдаги энг ҳавфли рақиб бўлади, деган фикрдан йироқман. Мен Оскар де Ла хойя, Мигель Котто, Рафаэль Маркес каби кучли боксчилар билан жанг қилганман”, - деди Паккьяо.
