"Рома" сардори Франческо Тотти ҳеч қачон клубдан шартномасини узайтиришни талаб қилмаганини маълум қилди.
"Бир нарсани таъкидлашни истардим: мен ҳеч қачон шартномам бандларига ўзгартириш киритишларини талаб қилмаганман. Биз клуб эгалари, раҳбарият билан ҳар доим умумий тил топишганмиз. Мен "Рома" шарафини муҳаббат билан ҳимоя қиламан. Мен ҳеч қачон "Рома"га муаммо бўлмаганман ва бўлмайман ҳам", - дейди 38 ёшли футболчи.