Мадриднинг «Атлетико» клуби ва жамоанинг юлдуз ҳужумчиси Хулиан Альварес ўртасида келишмовчилик юзага келди. Клуб аргентиналик футболчини ўз таркибида сақлаб қолмоқчи. Бироқ, TopSkills Sports UK нашрининг хабар беришича, футболчининг ўзи келаётган ёзда жамоани тарк этиш ниятида.
Қайд этилишича, Альваресга ҳамон «Челси», «Арсенал» ва «Барселона» клублари даъвогарлик қилмоқда. Футболчи қайси клубга ўтиш борасида ҳали бир қарорга келгани йўқ.
Аввалроқ, Альвареснинг «Атлетико»дан бошқа жамоага трансфери 100 миллион еврони ташкил қилиши мумкинлиги ҳақида хабар берилган эди.
