"Бавария" ҳимоячиси Жером Боатенг Германия кубогида "Боруссия"га қарши учрашувдан сўнг жамоа ўйинини танқид қилди.
"Биз жуда эҳтиёткрсизлик билан ўйнаяпмиз. Ҳисобда олдинда бўлсак, тўп йўқотяпмиз. Бу ҳолларда рақибга бизнинг дарвозамизга хавф солиши осон бўлмоқда. Биз яна бутун жамоа бўлиб ҳимояланишга мажбур бўляпмиз. "Барселона"га қарши ўйинларда бизга осон бўлмайди. Гап дунёнинг энг яхши жамоаларидан бири ҳақида кетмоқда. Агар "Барса" билан бугунги ўйиннинг охирги 20 дақиқасида бўлгани каби ўйнасак, у ерга боришни ҳожати қолмайди", - дейди Боатенг.
Эслатиб ўтамиз, "Бавария" - "Боруссия" Д ўртасида учрашувнинг асосий вақти 1:1 ҳисобида тугади, пенальтилар сериясида дортмундликлар 2:0 ҳисобида ғалаба қозондилар.