Ўзбекистон чемпионатида 6-тур ўйинлари ортда қолди. Furkat.uz сайти турнир жадвалига назар солиб, бир қатор қизиқарли статистик маълумотларни эътиборингизга хавола этади.

- Ҳозиргача мағлубиятга учрамаган жамоалар иккита – “Локомотив” ва
- “Нефтчи”.
- Энг кўп ғалаба қозонган жамоа – “Насаф” – 5 та

- Ғалаба нималигини билмайдиган жамоалар 3 та. Булар: “Динамо”, “Бухоро”, “Сўғдиёна”.

- Мағлубиятга учраш бўйича “Бухоро” ва “Сўғдиёна” пешқадамлик қилишмоқда. Улар 6 ўйиннинг 5 тасида майдонни бошлари эгик ҳолда тарк этишган.

- Энг сермаҳсул жамоа – “Насаф”. “Аждарлар” 6 ўйинда 13 та гол уришган.

- Гол уришни “хушламайдиган” жамоа “Қўқон 1912”. Қўқонликлар атиги 2 та гол уришган.

- “Қўқон 1912” атиги 1 ўйинни ўз майдонида ўтказган.

- “Насаф”, “Олмалиқ”, “Машъал” ва “Бунёдкор” клублари ўз майдонларида 100 фоизлик натижа қайд этиб туришибди.

- 8 та клуб ўз майдонида ҳали мағлубиятга учрамади.

- “Қўқон 1912”, “Динамо”, “Бухоро” ва “Сўғдиёна” ўз уйида бўлган ўйинларда ғалаба қозонишмаган.

- “Қўқон 1912” ўз майдонида гол урмаган ва гол ўтказмаган ҳам.

- “Бухоро” мухлисларини ранжитишда пешқадамлик қилмоқда. Клуб ўз майдонидаги 3 ўйинда 7 та тўп ўтказиб юборган.

- “Локомотив”, “Нефтчи” ва “Металлург” сафарда юқазишмаган.

- 8 та клуб сафарда уч очко олиб кўрмади.

- “Металлург” сафарда ютмаган ва ютқазмаган ягона жамоа. Бекободликлар меҳмондаги икки ўйинда ҳам дурангга имзо чекишган.

- “Олмалиқ” мезбонларни аямайдиган жамоа. Клуб сафардаги 4 ўйинда 9 та гол урган. Таққослаш учун “Пахтакор” барча ўйинларда шунча гол киритган.

- “Сўғдиёна” мезбонларни ҳурмат қиладиган жамоа. Жиззаҳликлар сафардаги 4 ўйиннинг барчасида ютқазишган ва ана шу ўйинларда ўз дарвозаларидан 12 та тўп олиб чиқишган.

- Пойтахтнинг 3 жамоаси 36, Қашқадарёнинг 3 жамоаси 34 очко, водийнинг 4 клуби ҳисобида эса 29 очко мавжуд. Қолган 6 жамоа эса умимий ҳисобда 30 очко бор.

Фурқат Юсупов тайёрлади
Манба: www.Furkat.uz