“Персеполис” – “Бунёдкор” учрашуви олдидан ташкил этилган матбуот анжуманининг иккинчи қисмида теҳронликлар устози иштирок этди.

- Аввало, мухлисларни эртанги учрашувга чорлаб қолган бўлардим. Ҳозир “Персеполис” учун ишқибозлар далдаси жуда-жуда муҳим. “Бунёдкор”га қарши бўлиб ўтадиган муҳим баҳсда мухлисларимиз ёрдами билангина ғалаба қозонишимиз мумкин. “Бунёдкор”нинг мусобақа жадвалидаги ўрни ўзига умуман ярашмайди. Чунки жамоа кўрсатаётган ўйин гуруҳ аутсайдерларга хос эмас. Шуни аниқ айта оламанки, “Персеполис”ни жуда мураккаб ўйин кутиб турибди. Яна бир нарса. Кейинги босқичга чиқишимиз учун дуранг ҳам кифоя қилиши мумкин. Бироқ бундай ҳолатда тақдиримиз “Ал-Наср” – “Лаҳвия” учрашувига боғлиқ бўлиб қолади. Шундай экан, эртага фақат ғалаба қозониш ҳақида ўйлашимиз керак. Ярим ҳимоя ва орқа чизиқдаги футболчиларимиздан хушёрликни, ҳужумчиларимиздан эса аниқликни кутиб қоламан, - дейди Бранко Иванович.