Осиё Чемпионлар лигасини гуруҳ босқичининг охирги 6-тур ўйинларида Қаршининг “Насаф” жамоаси ўз майдонида Саудия Арабистонинг “Ал Ахли” жамоасини қабул қилди. Бу учрашув меҳмонлар учун аҳамиятсиз эди. Зеро улар муддатидан аввал гуруҳ ғолиблигини қўлга киритиб бўлишган эди. “Насаф” эса ўзи учун ҳам ғалабага эришиши лозим эди.

Гол уриш учун “Насаф”да ҳам, “Ал ахли”да ҳам бир қанча имкониятлар бўлди. Бироқ тўп деганлари дарвозага киришни истамаса қийин экан.

Шомуродов, Ҳамробеков ва Геворкян… Уларнинг ҳар бири ўз номини таблога ёздириб қўйишлари мумкин. Аммо омад деганлари кулиб боқишни истмади.

Ҳакам… Бир сафар яққол голни кўрмади, би сафар эса рақибнинг қўлига теккан тўпни, яна бошқасида бизнинг фойдамизга ишлади, рақибга пенальти бермади.

Учрашувда ҳисоб очилмади. Шунча кўкка совирилган вазиятлар “Насаф”га панд берди. Қаршиликларнинг тақдирлари ўз қўлларида эди. Аммо, улар дурангга имзо чекишди ва бор диққа эътиборларини Дубайдаги ўйинга қаратишди.

Қатар клуби ўз майдонида ғалаба қозониб, плей-оффга йўлланма олди. “Насаф” эса мусобақа билан хайрлашди.

“Насаф” (Ўзбекистон) - "Ал Ахли" (Саудия Арабистони) 0:0

Ҳакамлар:Тома Масааки (Япония), Отсука Харухиро (Япония),Жеффри Гох (Сингапур), Такуто Окабе (Япония)

"Насаф": 25.Элдорбек Суюнов, 4.Мақуд Каримов, 32.Ҳамза Каримов, 23.Шерзод Аъзамов, 15.Рой Рок, 20.Эркин Байдуллаев, 33.Одилжон Ҳамробеков (27. ИлҳомЮнусов, 81), 18.БаҳромАбдурахимов, 22.ШоҳруҳГадоев, 17.АртурГеворкян, 9.ИлҳомШомуродов.
"АлАҳли": 22.АбдуллоҳАлМаиуф, 4.ВолидБакшвн, 13.МуҳаммадАбдулшафи, 17.Освальдо, 19.БруноСезар (11. ҲусайнАлмоқаҳви, 83), 6. МуҳаммадАлфатил (29. ЗакариаАлсудани, 90), 7.АҳмедАлоуфи (24. СалманМувашар, 70), 8.ТайсерАлЖассим, 23.КамилАлМуса, 26. МуҳаммадАман, 77.АмирФаҳад.

Огоҳлантиришлар: ҲамзаКаримов (43), Рок (59)
Четлатиш: БаҳромАбдурахимов (71)