“Насаф”-“Ал Аҳли” (0:0) учрашувидан сўнг мезмонлар бош мураббийи Рўзиқул Бердиев учрашув ҳақидаги фикрлари билан ўртоқлашди.

– Кейинги босқичга чиқиш учун ҳаракат қилдик. Кўп вазиятлардан фойдалана олмадик. Ўн киши бўлиб қолганимиздан сўнг вазифа қийинлашди. Асосий вазифага эриша олмадик.

Элдор Суюнов: -Ҳаракат қилдик, омадимиз келмади. Кейинги йил, худо хоҳласа, бундан кучлироқ ўйнаймиз.

– Япон ҳакамларининг ҳаракати ҳақида фикрингиз?
– Ҳакам яққол голни ҳисобламади. Абдуҳакимовнинг хатоси сариқ карточкага ҳам тортмасди.

— Жамоани кучайтиришга режалар борми?
— Кучайтиришга ҳаракат қиламиз. Имкониятимиз даражасида.

— Нариги учрашувдаги натижадан хабардор бўлиб турдингизми?
— Параллел ўйинда ҳисоб 2:2 бўлган вақтда гол уриш учун олдинга боришга ҳаракат қилдик. Афсуски бир киши кам бўлиб қолдик.

— Бугунги ўйин фақат омадга боғлиқ бўлдими?
— Чизиқни устидан гол ура олмаганимиз, Шоҳрухнинг гол ура олмаслиги омадга боғлиқ бўлиши мумкин. Омад лекин кучлиларга кулиб боқади.

— Учта жамоа чиқиб кетди. Ўзбек жамоалари ҳақида фикрингиз?
— “Пахтакор” жамоамизга эртага омад тилайман. Кучли легионерлар ва мунтазам иштирок билан маҳаллий футболчиларимиз савиясини оширишимиз керак.