Ўйиндан кейинги матбуот анжуманида бош мураббийлар ўз фикрларини билдириб ўтишди.
Самвел БАБАЯН ("Пахтакор" бош мураббийи): - Бугун ғалаба ҳар қачонгидан ҳам керак эди. Рақиб жуда ҳам тезкор, ўткир ҳужумлар ташкил этди. Вазиятлар яратдик, гол ура олмадик. Тезкор гол режаларимизни ўзгартириб юборди. Кримец, Искандеров каби футболчиларнинг йўқлиги ўйинимизга таъсир қилмай қолмади. Ишқибозлардан узр сўрайман. Бугун бизнинг кунимиз эмас экан.
Одил АБДУЛРАҲМОН ("Ал Шабаб" бош мураббийи): - Аввало, барча футболчиларимга раҳмат айтаман. Яхши ўйин кўрсатдик. Талаб қилган барча кўрсатмаларимни тўғри бажаришди. Менинг қўл остимда жамоа яхши ўйнади. Бугун бизга тезкор гол ҳам ёрдам берди. Таркибимизда фақат битта футболчи легионер эди, қолганлар маҳаллий ёш футболчилар. Бу ўйинчилар билан бирга келажакка ишонч билан қараш мумкин. Жамоам ўйинидан қониқиш ҳосил қилдим.