“Персеполис” – “Бунёдкор” учрашувидан кейинги матбуот анжуманининг иккинчи қисмида эронликлар устози қатнашди.

- Аввало, клуб раҳбариятига жамоага бўлган эътиборни оширгани учун миннатдорчилик билдираман. Бугун келажагимиз учун катта қадам ташладик. Осиё Чемпионлар лигаси гуруҳ босқичини муваффақиятли якунлаб, плей-оффга йўлланма олдик. Бир нарсани таъкидлаб ўтишни жуда-жуда истардим. Мухлислар – бу “Персеполис”нинг 12-ўйинчисидир. Эътибор берган бўлсангиз, биздан бошқа ҳамма жамоа ўз уйида очко йўқотди. “Персеполис” эса мухлислар далдаси билан ўз майдонидаги барча учрашувларда ғалаба қозонди. Эртага машғулотга йиғилгунимизга қадар футболчиларга бугунги ғалабани нишонлаш учун вақт бераман. Лекин эртадан бошлаб плей-оффдаги рақиб — “Ал-Ҳилол” ҳақида бош қотирамиз, - дейди хорватиялик мутахассис.