"Машъал" - "Бухоро" (2:2) учрашувидан сўнг ташкил этилган матбуот анжуманида мезбонлар бош мураббийи Александр Хомяков қатнашди.

"Учрашув қийин бўлишини кутгандик. Йигитларга эътирозим йўқ, улар бор кучлари билан ўйнашди. Умуман олганда ўйинда омадимиз келмади. Ҳимоядаги муаммолар устида иш олиб борамиз. Ўз майдонимизда 2та гол ўтказиш яхши эмас", - дейди Хомяков.

"Асабий ўйин бўлди. Оддий вазиятларда гол қўйиб юбораяпмиз. Икки марта ҳисобда ортда бордик. Асосий эътибор ҳимоядаги хатолар устида ишлашга қаратилади".

"Кейинги ўйин "Бунёдкор"га қарши ўтказамиз. Бу йил ҳеч қайси ўйин осон ўтгани йўқ. Шу боис Тошкентдаги баҳсга жиддий тайёрланамиз".