“Реал” бош мураббийи Карло Анчелотти Испания чемпионати “Валенсия”га қарши учрашувдаги(2:2) ҳатти-ҳаракатлари сабаб дисквалификация қилиниши мумкин, деб хабар бермоқда As маълумотига таяниб Sports.ru.
Нашрнинг ёзишича, ўйинни бошқариб борган ҳакам - Клос Гомес ҳисоботида 55 ёшли мураббийнинг арбитр ва унинг ассистентлари қарорларига очиқчасига эътироз билдиргани ҳамда учрашув якунига етгач кесатиқ маъносида қарсак чалганини ёзма равишда маълум қилган.
Испания лигаси тартиб-интизом регламентининг 117-моддасига мувофиқ бу каби ҳатти-ҳаракатлар учун футболчи, мураббий ва клуб структурасидаги бошқа ходим 2–3 ўйинга ёки бир ойга дисквалификация қилинади.
