“Валенсия”га қарши ўйиннинг биринчи бўлимида жароҳат олган “Реал” таянч ярим ҳимоячиси Тони Кроос бугун жамоадошлари билан биргаликда умумий гуруҳ машғулотларида иштирок этди, деб хабар бермоқда Soccer.ru.

Германиялик футболчининг чоршанба куни Европа Чемпионлар Лигаси ярим финали жавоб ўйини доирасида “Ювентус”га қарши учрашувда майдонга тушиши кутилмоқда.

Мадридликларнинг ҳужумкор ярим ҳимоячиси Гарет Бэйлнинг бугун машғулотларда иштирок этмагани диққатга сазовор. Футболчи клуб базасининг ички бўлинмаларидан бирида индивидуал тарзда шуғулланган.