Бугун Олий лиганинг 9-тур баҳсларига старт берилди. Аслида эртага, 15 май куни бўлиб ўтиши керак бўлган, бироқ ЎзПФЛ қарорига кўра бугунга кўчирилган "Олмалиқ" ва "Локомотив" жамоалари ўртасидаги ўйинда жанговар дуранг қайд этилди.

Ўйиннинг 5-дақиқасидаёқ Жаҳонгир Абдумўминов олмалиқларни ҳисобда олдинга олиб чиқди. Биринчи бўлим охирига қадар Темурхўжа Абдухолиқов иккита қулай имкониятдан фойдалана олмади. "Темирйўлчилар"нинг кетма-кет ҳужумлари 67-дақиқада ўз самарасини берди. Ўнг қанот ярим ҳимоячиси Жасур Ҳасановнинг узатмасини Умид Хонимқулов қўлдан чиқариб юборди ва собиқ "Олмалиқ"чи Шоаҳмедов дарвозани ишғол қилди.

Орадан 3 дақиқа ўтиб мезбонлар яна ҳисобда олдинга ўтиб олишди. Саламат Қуттибоев ўнг қанотдан Мустафоевдан қочиб кетиб, жарима майдончасига узатма берди. Шавкат Саломов бош билан дарвозани забт этди.

Вадим Абрамов шогирдлари сўнгги дақиқаларда мағлубиятдан қутулиб қолишди. Лутфулла Тўраевнинг голи ҳам чиройли чиқди.

Ушбу натижадан сўнг "Олмалиқ" ва "Локомотив" жамоаларининг очколари 18тага етди. Улар жадвалда 3 ва 4-ўринларни эгаллаб туришибди.

Олий лига, 9-тур
"ОЛМАЛИҚ" - "ЛОКОМОТИВ" - 2:2 (1:0)
Голлар: Жаҳонгир Абдумўминов (5), Шавкат Саломов (70) — Санжар Шоаҳмедов (67), Лутфулла Тўраев (88)
"Олмалиқ": 16.Умид Ҳонимқулов, 4.Абдуқаҳҳор Ҳожиакбаров, 8.Саҳоб Жўраев, 10.Шавкат Саломов, 11.Зоҳир Пиримов, 19.Ислом Иномов, 21.Саламат ҚуТтибоев, 27.Никита Павленко, 55.Адриан Кашкавал, 77.Жаҳонгир Абдумўминов, 84.Наманья Йованович.
"Локомотив": 12.Маъмур Икромов, 3.Шавкат Муллажонов, 11.Темурхўжа Абдуҳолиқов, 13.Лутфулло Тўраев, 16.Жасур Ж.Ҳасанов, 17.Салим Мустафоев, 18.Тимур Кападзе, 22.Санжар Шоаҳмедов, 28.Икром Алибоев, 31.Неманья Яничич, 33.Олег Зотеев.