"Арсенал” бош мураббийи Арсен Венгер “Манчестер Юнайтед”га қарши ўйин олдидан жамоанинг жароҳатланган вакиллари ҳақида тўхталиб ўтди.
“Окслейд-Чемберлен, Дебюши ва Артета майдонга тушишга тайёр эмас. Уэлбекда имконият кам. Эҳтимол у ўйинга қадар сафга қайтар. Аммо мен бунга ишонмайман.
Рэмзи ҳозирча машғулот ўтказмаяпти, аммо у ўйинда иштирок этади. Ушбу ўйинчилар мавсум якунигича ҳали яна майдонга тушишларига умид билдириб қоламан”, - дея Венгернинг фикрларини келтиради euro-football.ru.
Эслатиб ўтамиз, Уэлбек жароҳати туфайли “канонирлар”нинг охирги икки ўйинини ўтказиб юборганди.
