“Бунёдкор” – “Машъал” учрашувидан кейинги матбуот анжуманининг иккинчи қисмида “қалдирғочлар” устози иштирок этди.

- Ютдик!!! Энг асосийси шу. Очиғини айтганда, ҳозирги пайтдаги ҳолатимиз учун энг асосийси ғалаба қозониш эди. Шу боисдан ҳам учрашувнинг дастлабки дақиқалариданоқ ҳужумга зўр бердик. "Машъал"нинг учта марказий, умумий ҳисобда эса жами бешта ҳимоячи билан тўп тепгани бироз чўчитган эди. Лекин футболчиларимиз рақибнинг зич ҳимоясини ёриб ўта олишди. Хурсанд қилган жиҳат шундаки, яратилган вазиятларни голга айлантиришда ҳам унумдорлигимиз ошди. "Бунёдкор"нинг асл кучини яхши биламан. Биз ўз савиямизда ўйнай олсак, ҳаммаси яхши бўлади. Анвар Бердиев жуда узоқ вақтдан бери мана энди яшил майдонга қайтди. У кетма-кет жароҳатларга йўлиққан эди. Уни инсон сифатида ҳам, футболчи сифатида ҳам ҳурмат қиламан. Чунки Анвар Бердиев жуда тартибли инсон. Унинг футболчиликда орттирган бой тажрибаси бизнинг бугунги сиёсатимиз – ёшларни тарбиялаш учун жуда ҳам муҳим ҳисобланади, - дейди Сергей Лушчан.