"Насаф" ва "Металлург" жамоалари ўртасидаги ўйиндан кейин ташкил этилган матбуот анжуманининг иккинчи қисмида мезбонлар устози Рўзиқул БЕРДИЕВ ўйин ҳақидаги фикрлари билан ўртоқлашди.
"Футболда ғалаба ва мағлубият доим ёнма ён юради. Бугун мағлубиятга учрадик ва буни биз умуман кутмагандик. Ёмонроқ ўйнашимиз, қийинроқ ўйнашимиз мумкин эди. Аммо ютқазишни истамагандик. Афсуски, бугун ғалаба қозониш насиб этмаган экан. Бугун бошқа таркибимизда бир қатор ўзгаришларни қилиб, бир қатор футболчиларга имконият бергандик. Аммо улар ўзларига билдирилган ишончни оқлай олишмади. Биз жуда оғир ўйинларни ўтказдик. Шу боис бугун Шомуродов ва Ройга дам беришга қарор қилгандик. Иккинчи бўлимда улар майдонга тушгач, ўйин суръати ўзгарди. Кўплаб вазиятларга эга бўлдик, аммо улардан унумли фойдалана олмадик. Бу футбол. Ҳаёт давом этади. Кейинги ўйинларда ғалаба қозониш учун ҳаракат қиламиз. “Металлург” биз учун ноқулай рақибга айланиб улгурди. Иккинчи йилдирки биз Қаршида уларни мағлуб эта олмаяпмиз", - дейди қаршиликлар бош мураббийи.