Мадриднинг “Реал” клуби ҳужумчиси Криштиану Роналду 2015 йилнинг биринчи ярмини ўзига хос бўлмаган паст даражада ўтказмоқда.

Айни пайтда португалиялик ўйинчи 2014/15 йиллардаги мавсумда “Реал” учун барча мусобақаларда жами 55 тўп урди. У бу тўплардан 32 тасини 2014 йилда ўтказган 25 та ўйинида, қолган 23 та тўпини 2015 йилда ўйнаган 27 та ўйинида киритган.

Шу тариқа Роналдунинг ўртача натижадорлиги бир ўйинга 1,28 та тўпдан жорий йилдаги 0,8 та тўпгача тушиб кетган.

Шу билан бирга Роналду “Реал” сафида жами 307 та тўп киритиб, “Реал”нинг афсонавий ўйинчиси Альфредо Ди Стефанога етиб олди ҳамда “Реал” тарихидаги энг яхши тўпурарлар рўйхатида 2-ўринни эгалламоқда. Бундан ташқари, у Чемпионлар Лигасининг тўртта мавсумида 10 та ва ундан кўпроқ тўп урган биринчи ўйинчига айланди.