Кўпчиликка маълум, «Барселона» ярим ҳимоячиси Хави ҳар доим Бернд Шустернинг ўйинларидан ҳайратга тушишини таъкидлаб келган. Шу муносабат билан биз ўтмишда ўзларидан ёрқин из қолдирган футболчилар ва уларнинг бугунги «шогирд»лари бўлмиш ҳамкасбларини бир мақолага жамладик. Эътиборлиси, айни даврдаги аксарият таниқли чарм тўп усталарининг кумирлари ҳам машҳурлик борасида ҳеч кимдан қолишмаган экан. Энг қизиғи, кимсан - Роналду ашаддий рақобатчиси ҳисобланадиган Мессининг ўйинларига ошуфта экан...
Хави Эрнандес - Бернд Шустер
Очиғини айтсак, Хавида бундан бошқа илож ҳам йўқ эди. Чунончи у туғилибдики, «Барселона»га мухлислик қилади. Каталония клубидаги германиялик футбол афсунгарига ҳаваси келган Хави ўзи ҳам худди шундай футболчи бўлишни орзу қилган. Ҳозирда орзусига етишган Хавининг ҳам кимлар учундир «кумир»га айланиб бўлди. Масалан, Алькантаранинг ўйин услуби Хавининг ўйин услубига жуда яқин. Тиаго ўзининг кумири сифатида яна Роналдиньонини ҳам таъкидллаб ўтган. Бернд Германия терма жамоасининг асосий плеймейкери сифатида донг таратмаган. Аммо у ўз вақтида «Реал», «Атлетико» ва «Барселона» жамоаларида кўрсатган ўйинлари билан ҳозиргача барча катта ёшли футбол мухлислари қалбидан чуқур ўрин олгани айни ҳақиқат.
Зайниддин Зидан - Энцо Франческоли
Зиданда уругвайлик футболчига бўлган меҳр жуда кучли эди. Шунинг учун Зайниддин фарзандларидан бирига «Марсель»нинг собиқ футболчиси исмини беришга қарор қилгани кишини ҳайратга солмайди. Биргина фарқи - Франческоли Францияда кўп ушланиб турмади. Италияга кўчиб ўтгандан сўнг «Ювентус»да эмас, балки «Торино»да фаолиятини давом эттирди. Зиданнинг тақдири худди шу йўсинда кечса-да, вақти келиб ўзининг кумирида ҳар бир жиҳатда ўзиб кетишга эришди. Лекин барибир, Энцонинг ҳаракатлари франциялик ярим ҳимоячини лол қолдираверар эди. Хуллас, Зидан майдондаги ижодкорлик хислатини айнан уругвайлик футболчидан ўзлаштирган.
Лионель Месси - Пабло Аймар
Месси бразилиялик Роналдонинг тўп билан техникавий алоқадаги ютуқлари бор деса бўлади. Лионель дарвозага қай услубда гол киритишни айнан «Барселона» ва «Реал»нинг собиқ футболчисининг ўйинларини кузатиб таҳлил қилиб ўрганган. Лекин кумир танлашга келадиган бўлсак, Лионель айнан ватандоши Пабло Аймарни танлаши шубҳасиз. Аргентиналик футболчи аргентиналикни танлаганининг сабаби оддий. Ёш жиҳатида ҳам унча катта фарқ йўқ. Мессининг танлови қизиқувчанлигда. Аймар футбол сирларини кўпини била туриб машҳурликка эриша олмади. Месси эса Пабло кўтарила олмаган даражага кўтарилишни қойилмақом тарзда эплай олди.
Жанлуижи Буффон - Томас Н`Коно
Тасаввур қилиб кўринг! Буффон футболни Валерий Непомняшийнинг жамоаси учун яхши кўрса. Жанлуижи ЖЧ-90ни томоша қилиб ўзига амплуа танлаган, Гойкоэчеа, Зенга, Прюдомм ёки Таффарелларнинг ҳаракатларидан таъсирланмасдан, айнан Камерун термасис ва «Эспаньол» жамоасининг собиқ дарвозабони Н`Конога ўхшашни истаб қолди. Томасдан ташқари кичик Буффон Чехия терма жамоасининг дарвозабони Скухравга ҳам ўхшашни истарди. Кулгили тарафи, Буффоннинг ҳаётида бир оз вақт ўтгандан сўнг чехиялик аёл пайдо бўлди. Буффон фарзандларининг бирини кумири Томас шарафига номлади. Буффон ва Томас ўртасидаги дўстлик алоқари яхши йўлга қўйилган. «Ювентус» дарвозабонининг ўғлини камерунлик собиқ посбон биринчи туғилган куни билан табриклаб, унга табрик сифатида мактуб ҳам ёзган.
Серхио Рамос - Паоло Мальдини
Буни ҳеч ҳайрон қоладиган жойи йўқ. Рамос ўзи яхши кўрган футболчилар орасидан, мураббийи Фернандо Йерро, аргентиналик Клаудио Каниджа ва иккита бразилиялик - Роналдо ва Ривалдодан кейин Мальдинини биринчи ўринга қўйди. Рамоснинг ёшидаги футболчига ёққан футболчилар тўплами яхши тузилган. Мальдинини ўзига кумир деб танлагани сабаби эса Серхио ёшлигида Паолодан ўрганган ҳолда қанотларни ва марказни ҳимоя қилган. Мальдини ўнг қанотдан уюштириладиган ҳужумларни тўхтатиш билан бирга чап қанотда буюк футболчига айланган. Марказий ҳимоячи сифатида эса барча футбол мухлисларини ёдида қолган. Анчелотти Рамосни яқинда марказий ҳимояда синаб кўрди. Рамос шу билан бирга ўнг қанотда Карвахал йўқлигини ҳам билдирмайди.
Филипп Лам - Юрген Клинсманн
Жаҳон чемпиони ва Германия термасининг собиқ сардори ёшлигида Майкл Жорданнинг мухлиси бўлган, футболчилардан эса Юрген Клинсманни ўзига кумир сифатида танлади. Юргеннинг қўл остида кейинчалик терма жамоа ва «Бавария»да ҳаракатланди. Баскетбол касби Ламнинг бўйига тўғри келмаганидан афсусда. Футболда эса бу бўй билан жаҳон чемпиони бўлишга эришди. Якунда ҳимоячи машҳур ҳужумчи Юргендан совринлар бўйича ўтиб кетишни уддалади. Ҳимоячи ўз кумирининг ёшлигини танқид остига олиб, тактик тарафлама кучсиз бўлганини айтиб ўтди. Лекин бу сўзлар хато эканлигини билган Лам охир-оқибат Клинсмандан кечирим сўради.
Златан Ибрагимович - Роналдо
«Роналдо - барча даврларнинг энг яхши футболчиси. Феномен. У менинг кумирим эди. Менинг қарашимда бундай яхши футболчи дунёга қайта келмайди» деб айтган эди Златан бразилияликлар билан бўлиб ўтган ўйиндан сўнг. Златан бировнинг ўйинини мақтаб пахта қўйиш бўйича унчалик иқтидорга эга эмас. Буюк ҳужумчи ҳаддан ташқари лаганбардорлиги билан бошқа футболчилардан ажралиб туради. Лекин Роналдонинг кўрсатга ўйинлари Златанни бу характерини синдиришга эришган. Сўйлоқ ягона Златаннинг эмас, балки бутун дунё жамоаларини ҳавасига арзийдиган футболчи эди. Златан Роналдо билан бирга суръатга тушганда, унинг юзига чиройли бир кулгу кириб, юз остида қандайдир бир оддий инсон суръати пайдо бўлди.
Андрес Иньеста - Хосеп Гвардиола
«Барселона» ярим ҳимоячиси ўйинларини четдан кузатган афсонавий Гвардиола собиқ шогирдига шундай сўзлар билан таъриф берган: «Бу йигитча ҳаммамизни нафақага жўнатади». Андреа Хосепнинг ўйин тактикасини доимо кузатиб келган, ҳатто улар даврлар алмашинишидаги бир хил футболчилардир. Масалан, Иньеста ҳозирги даврнинг Гвардиоласи, Гвардиола эса ўтган даврнинг Инеьстаси бўлишган. Инеьстанинг Гвардиолага бўлган қизиқиши ёшлик пайтиданоқ бошланган. Андреа майдон четида туриб четга чиққан тўпларни футболчиларга қайтариб турган вақтиданоқ Гвардиолани кузатиб келарди.
Рауль Гонсалес - Диего Марадона
Бу рўйхатда Марадонадек футболчи фамилиясини учратмаслиг ғалати бўлса керак. Кўплаб футбол мутахассислари Диегони авлодлари сифатида Неймар ёки Мюллерни кўрсатади. Раулнинг тенгқурлари эса футболчининг ўйинларини бевосита кўп маротаба кузатишган. Шунинг учун ундан сўнгги футболчилар ўзларининг ёқимтойлари деб Мессини кўрсатишади. Кимда-ким 70 йиллар атрофида туғилган бўлса албатта у Марадонани танлайди. Бунга сабаб Марадона ўша вақтда юқори чўққига чиқган футболчиларнинг барчасидан тўлақонли ажралиб турар эди. Рауль ўзининг ёшлигига қайтиш учун шахсан ўзига Диегонинг футболкасини сотиб олди.
Андреа Пирло - Роберто Баджо
Кичик Андреа «Интер»да шуғулланган вақтида доимо Роберто Баджони кузатиб, шунга ўхшаш футболчи бўлишга интилиб келган. Ҳужумкор ярим ҳимоячи Пирлони ўз севган жамоасининг асосий таркибига чақиришади, Андреа бу таклифга рози бўлади ва кейинчалик бундан афсус чекади. Бунга сабаб, унинг жамоадаги рақобатдошлари Жоркаефф, Рекоба ва Баджолар махорат бобида Пирлодан анча олдинда бўлишгани. «Реджина»га ижара сифатида жўнатилган Пирло Баджо билан бирга машғулотлар олиб боргани фойда келтирганини таъкидларди. Пирлонинг яна бир ашаддий кумири бўлган Маттеус билан биргаликда ўйнаш Пирлога ёш борасида насиб қилмаган. Пирло ўз кумири бўлган Роберто Баджо билан ўйнаш бахтига эришгани етарли бўлиши лозим.
Бонус кумир
Криштиану Роналду - Лионель Месси
Ким ҳам ўйлабди дейсиз, Роналдунинг кумири Месси бўлса-я! Бу - ҳазил эмас. «Реал»нинг ҳозирги етакчиси ва унинг бразилиялик адаши Роналдолар «Барселона» форвардининг ҳар бир ўйинини кузатиб боришлари сир эмас. Аммо энг қизиғи, португалиялик Криштиану Роналдунинг ўғли отасига эмас, кўпроқ Мессининг ҳаракатларига ишқибозлик қиларкан. Бу факт сизга кулгили туюлиши мумкин. Лекин бу йилги «Олтин тўп» соврини тақдирлаш маросимида кичик Роналдунинг нигоҳи фақат Лионель Месси томонда бўлди. Португалиялик футболчи ана шундан сўнггина ҳақиқатни тан олди. Унинг таъкидлашича, ўғли Мессининг голлари ва у ҳақдаги видеороликларни узлуксиз томоша қилиш билан банд бўлар экан. Болаларнинг истаклари самимий бўлади. Шуни инобатга олсак, Тьяго Месси балким келажакда Криштиану Роналдунинг ашаддий мухлиси бўлар. Эҳтимол, кичик Роналду Мессига мухлислик қилса, Тьяго дадасини балки Неймарга алиштирар?.. Бу албатта, футбол оламига тегишли, холос. Зеро, ҳаммамизда танлаш ҳуқуқи бор ва у ҳар хил. Хўш, сизнинг ёшликдаги яхши кўрган футболчингиз ва ҳозирги кумирингиз ким? Бир ёшликка қайтиб, барини эслаб кўринг...
"ИНТЕРСПОРТ" газетаси
Акмал Эшонхонов тайёрлади.
