Бугун Россиянинг Челябинск шаҳрида давом этаётган таэквондонинг олимпия ўйинлари дастуридан ўрин олган ВТФ йўналиши бўйича жаҳон чемпионатида сўнгги вазн тоифасида ғолиб ва совриндорлар аниқланади.
Бугун жаҳон чемпионатининг сўнгги кунида 80 кг вазн тоифасидаги таэквондо усталари даянга чиқишади. Ушбу вазн тоифасида юртимиз спорт шарафини Максим Рафалович ҳимоя қилади.
Таъкидлаш жоиз, Максиминг укаси Никита Рафалович мусобақанинг иккинчи кунги баҳсларида 74 кг вазн тоифасида кумуш медални қўлга киритганди. Кеча эса Дмитрий Шокин жаҳон чемпионатининг олтин, Жасур Бойқўзиев эса кумуш медал билан тақдирланди.
Эслатиб ўтамиз, ушбу жаҳон чемпионатида дунёнинг 141 давлатидан келган энг кучли даян усталари ғолиблик ва шу билан бирга Рио-2016 Олимпия ўйинларининг муҳим рейтинг очколари учун баҳс олиб боришди.
