Баскетбол бўйича Евролига баҳсларида чемпион номи маълум бўлди. Мадридда бўлиб ўтган ҳал қилувчи финал учрашувида Испаниянинг “Реал” клуби Грециянинг “Олимпиакос” жамоасини 78:59 ҳисобида мағлуб этиб, Евролига чемпиони бўлди.

Биринчи бўлимда 15:19 ҳисобида мағлубиятга учраган мадридликлар кейинги учта бўлимда ажойиб ўйин намойиш этишди. Бу билан “Реал” 20 йиллик танаффусдан сўнг Евролига чемпионига айланди.

РЕАЛ – ОЛИМПИАКОС 78:59 (15:19, 20:9, 18:18, 25:13)
“Реал”: Бошланғич таркиб: Льюлль (12+4 тўп узатиш), Кэрролл (16), Фернандес (7), Рейес (2), Айон (2+5 тўп учун кураш); Носиони (12+7 тўп учун кураш), Родригес (11+4 тўп узатиш), Мачюлис (9), Риверс (5), Слотер (2), Буруссис (0).
“Олимпиакос”: Бошланғич таркиб: Манцарис (1), Спанулис (3+4 тўп йўқотиш), Дарден (0), Принтезис (11), Данстон (4); Лойески (17), Хантер (10+ 7 тўп учун кураш), Слукас (10), Пэтуэй (2), Лафайетт (1), Аграванис (0), Папапетру (0).