Ёш мутахассис Александр Мочиновнинг “Бухоро”даги фаолияти узоққа чўзилмади.
Олий лиганинг 9-туридан кейин мусобақа жадвалида бирорта ғалабасиз сўнгги поғонанани эгаллаб турган жамоани мавсумнинг қолган қисмига бошқа мураббий тайёрлайди. Мочинов нимада ёки қаерда хато қилдику, билмадик, аммо ёш мутахассиснинг клубдаги ишлари олдинга силжимади. Сўнгги турда ўз уйида “Қизилқум”га имконият бой берилиши клуб раҳбариятини тоқатини тоқ қилди, натижада Мочинов истеъфога чиқишга мажбур бўлди. Албатта бу ҳали клуб томонидан тасдиқлангани йўқ. Бироқ мураббийнинг исътефога чиққани рост. Буни мураббийга яқин инсонлар тасдиқлади.
Мочиновнинг кейинги тақдири қандай кечишини билмадикку, лекин биз мураббийга омад тилаймиз! Зеро, Александр Мочинов юртимизнинг кам сонли келажаги порлоқ мураббийларидан саналади.
