“Бунёдкор” – “Обод” учрашувидан кейинги матбуот анжуманининг биринчи қисмида биринчи лига вакили устози иштирок этди.
- Ўйин осон бўлмаслигини билардик. Чунки рақиб олий лига пешқадамларидан бири эди. Бундай муҳитда тўп тепиш биз учун енгил бўлгани йўқ. Йигитларда ҳаяжон бўлди. Лекин 15-20 дақиқадан сўнг футболчиларимиз ўзларига келишди. Афсуски, дастлабки дақиқаларда ўтказиб юборилган гол мағлубиятга олиб келди. Умуман олганда, шогирдларим кўрсатган ўйиндан қониқдим. Биз етакчи клубга қарши катта иштиёқ билан ўйнадик. Бизнинг мақсадимиз ҳар бир учрашувда ғалаба қозониш. Шундай экан, жавоб учрашувда “Бунёдкор”ни енгиш учун ҳаракат қилиб кўрамиз, - дейди Хайрулла Абдиев.