Фаластин футбол федерацияси Исроилни ФИФА аъзолигидан четлатилиши бўйича овоз бериш ўтказиш таклифи билан чиқмоқчи.
Бу ҳақда Фаластин ФФ президенти Жаброил Ражуб малум қилди. У 29 май куни ФИФА конгрессида ушбу масалани кўтаришини маълум қилди. Гап шундаки фаластинлик футболчилар Исроил томонидан дискриминацияга учрамоқдалар. Исроил фаластинлик футболчиларни ўз ҳудудиларида эркин ҳаракатланишларига рухсат бермяпти. Шунингдек, Исроил чемпионатининг беш жамоаси ноқонуний ҳудудларда, ФИФА қоидаларига зид фаолият кўрсатмоқдалар. Ражубнинг маълум қилишича,Исроил полицияси учрашув ва машғулотлар вақтларида ҳам ҳалақит қилишмоқда (ўйин ва машғулотларни тўхтатиб қўйиш, ҳибсга олишлар ва баошқалар).
Ражуб, шунингдек, агар ФИФА Исроилни четлатмаса, Лозаннадаги спорт арбитраж судига мурожаат қилинишини билдирди.
Исроил эса ҳеч қандай қоида бузишларга йўл қўйилмаани, аксинча, Фаластин футболини қўллаб-қувватлашини таъкидламоқда. ФИФА президенти Йозеф Блаттер Исроил бош вазири Биньямин Нетаняху билан учрашиб, келишувга эришилишини ва Исроил ва Фаластин термалари ўртасида "тинчлик учрашуви" ўтказилишини маслаҳат берган.
