"Манчестер Юнайтед"нинг собиқ футболчиси Пол Скоулзнинг фикрича, "Челси" посбони Петр Чех "МЮ"да Давид Де Хеаннг ўрнини боса олади.

"Агар Де Хеа кетса, "Юнайтед" Петр Чехни сотиб олиши керак. Эдвин ван дер Сар 2005 йилда клубга келганида қандай таъсир ўтказганини яхши эслайман. Шмейхель кетганидан сўнг ҳимоячиларга кўрсатма бера оладиган дарвозабон топиш жамоа учун оғир эди. Бартезни олиб келишмоқчи бўлган.

Ван дер Сар бизга етук дарвозабон сифатида ўтган эди. У чемпионлар лигасида ғалаба қозонган, тўрт йил адавомида "Фулҳэм" сафида премьер-лига ўйинларида қатнашган. Шундан сўнг "МЮ"да олтита ажойиб мавсумни ўтказди. Манчестерга келганида у 35 ёшда эди.

Чех 33 ёшда ва яна олти йил ўйнаб бера олади. У бу ерда муаммоларга дуч келмайди. Агар Де Хеа кетадиган бўлса, яхши вариант бор", - дейди Скоулз.