“Реал” бош мураббийи Карло Анчелоттининг ёрдамчилари Фернандо Йерро ҳамда Пол Клемент келаси мавсумда бошқа клубларга кўчиб ўтишлари мумкин.
Йерро “Реал” раҳбарияти билан келишуви муддатини узайтириш борасида гаплашиб улгурмаган. Sports.ru нинг AS нашри манбасига таяниб хабар қилишича, клуб унга ёшлар жамоасини бошқаришни таклиф қилиши мумкин. Бироқ Йерро ўзини бош мураббий сифатида синаб кўрмоқчи.
Ўтган ёзда ҳам клубни тарк этиши тахмин қилинган Пол Клемент бу йили ҳам жамоадан кетиши мумкин. Мутахассис хизматларига Англиянинг “Дерби Каунти” клуби қизиқиш билдирмоқда.
