Ўзбекистон Профессионал Футбол Лигаси Биринчи Лига вакиллари – "Обод" ва "Оқ-Тепа"га ўз майдонларида ўйнашни таъқиқламоқчи. Бу қарор фақат Ўзбекистон Кубоги доирасидаги учрашувларга тегишли.
Тақиқ қўйилишига сабаб Тошкент жамоалари уй стадионининг майдони сунъий қопламали чим эканлиги, қолаверса, стадионларнинг трибунаси кам сонли футбол ишқиболарига мўлжалланганлиги билан боғлиқ.
Шу сабабдан ПФЛ "Обод" ва "Оқ-тепа"га Ўзбекистон Кубоги доирасидаги уй учрашувларини бошқа стадионда ўтказиш талабини қўйган.
Хабарингиз бор, ушбу икки жамоа Ўзбекистон Кубогининг 1/16 финали доирасида мос равишда "Қизилқум" ва "Нефтчи"ни қабул қилиб, ғалаба қозонган ҳамда мусобақанинг нимчорак финалига йўл олган эди. Мазкур босқичда Обод "Бунёдкор" билан, "Оқ-тепа" эса "Насаф" билан ҳисоб-китоб қилади.
Эслатиб ўтамиз, "Обод" 1/8 финалнинг биринчи учрашувини "Бунёдкор" майдонида ўтказиб, 0:1 ҳисобида мағлубиятга учради. "Оқ-тепа" эса режага кўра 12 июнь куни "Насаф"ни қабул қилади.
"Обод" ва "Бунёдкор" жамоалари ўртасидаги жавоб ўйини 23 июнга белгиланган.
