Қатарнинг "Лехвия" клуби бош мураббийи Микаэль Лаудруп "Манчестер Юнайтед" ҳужумчиси Робин ван Перси ўз жамоаси сафига ўтишини истамоқда, дея хабар беради Mail on Sunday.
31 ёшли голландиялик келгуси мавсумда "МЮ" захирасида ўтирмоқчи эмас.
"Лехвия" уни 25 миллион еврога сотиб олиб, йилига 7 миллион евро маош беришга тайёр. Шунингдек, Ван Персига А сериянинг уч клуби - "Ювентус", "Рома" ва "Лацио" қизиқмоқда.
Футболчи жароҳати сабабли асосий таркибдаги ўрнини бой берди ва шароитни ўзгартиришга қарши эмас. Ушбу мавсумда 27 учрашувда майдонга тушиб, 10та гол урган.
