«Барселона» раҳбарияти ҳимоячи Дани Алвесга таклиф этилаётган шартнома шартларини яхшиламоқчи эмас.
Хабар қилинишича, клуб раҳбарияти бразилиялик футболчи томонидан матбуот анжуманида айтилган гапларни яхшилаб тинглаган. Алвес янги шартнома у истагандек эмаслиги ва бу ҳолат клуб томонидан ўзига нисбатан ҳурматсизлик эканини айтган эди. Шу билан бирга Алвес гап пулда эмаслигини ҳам таъкидлаган.
Клуб раҳбарияти эса Алвесга билдирилган шартнома жуда муносиб, деган фикрда. Футболчига яна бир йилга чўзиш имконияти мавжуд бўлган икки йиллик шартнома таклиф этилган. Маош эса аввалги шартномадаги билан бир хилда бўлган.