Тошкентнинг “Локомотив” жамоаси ҳужумчиси Руслан Корян Арманистон терма жамоасининг навбатдаги йиғинига чақирув олди.

Арманистон Футбол Федерацияси расмий сайтида ушбу юрт термасининг 13 июн куни Евро-2016 саралаш баҳслари доирасида Португалия термасига қарши ўтадиган беллашувга чақирилган легионерлар рўйхати эълон қилинди.

Қувонарли жиҳати шундан иборатки, мазкур учрашувга чақирув олган футболчилар орасида Ўзбекистон чемпионатида тўп сураётган Руслан Корян ҳам бор. Умуман олганда, Арманистон термасининг бу галги йиғинига жами 12 нафар легионер футболчилар таклиф этилишди.

Роман Березовский "Динамо" (Москва, Россия)

Роберт Арзуманян "Амкар" (Россия)

Грайр Мкоян "Истиқлол" (Эрон)

Гаэль Андонян "Олимпик" (Марсель, Франция)

Геворг Казарян "Керкира" (Греция)

Генрих Мхитарян "Боруссия" (Дортмунд, Германия)

Маркос Пизелли "Актобе" (Қозоғистон)

Румян Овсепян "Металлург" (Донецк, Украина)

Араз Озбилиз "Спартак" (Москва, Россия)

Норайр Асланян "Алмере Сити" (Голландия)

Артур Саркисов "Волга" (Россия)

Руслан Корян "Локомотив" (Тошкент, Ўзбекистон)

Умид қиламиз, маҳоратли ҳужумчи Руслан Корян Криштиану Роналду бошчилигидаги Португалия термаси билан баҳсда асосий таркибда майдонга тушади ва терма жамоасига фойда келтиради.