Суриялик миллиардер Яҳё Кирди Испания топ-жамоаларидан бирини сотиб олишга яқин турибди. У қайси жамоа акцияларини харид қилаётганини ошкор қилмади.
"Испаниянинг топ-жамоаларидан бирини сотиб олишга яқинмиз. Биз тўла ҳуқуқни ёки ҳеч бўлмаганда 25 фоиз акцияларни сотиб олишни истаймиз. Юристларим ушбу масала устида ишлашяпти. Ҳозирча клуб номини айта олмайман. Боиси, музокаралар пайтида клуб номини сир сақлашимни сўрашган", - дейди Яҳё Кирди.
Ушбу тадбиркор 2010 йилда "Ливерпуль"ни сотиб олишга энг асосий даъвогар ҳисобланганди, аммо келишув амалга ошмаганди.
"Мен "Ливерпуль"ни сотиб олишга яқин тургандим. Лекин мен ишбилармон инсонман. 300 миллион фунт қарши бор клубга умид билдириш қийин. Рафа Бенитес — "Ливерпуль" муваффақиятсизлигининг бош сабабчиси. У кучли ўйинчиларни сотиб юборди ва муносиб бўлмаган футболчиларни сотиб олди", - дейди у.