ФИФАнинг жамоатчилик билан ишлаш бўйича директори Вальтер Де Грегорио коррупцияда айбланиб ҳибсга олинган амалдорлар борасида фикр билдирди.
"Менга ишонмаслигингиз мумкин, аммо бу ФИФА учун яхши. Бизнинг обрўмиз учун ёмон, аммо тозаланиш учун яхши.
Биз полиция ва прокуратура каби тергов олиб бора олмаймиз, шунинг учун улар билан ҳамкорликка тайёрмиз.
Олдинда турган конгреес олдидан Блаттер хотиржам. Ҳа, босим кечагидан бироз юқори, аммо у етарли даражада хотиржам, чунки у бу ишларга аралашмаган.
Блаттер ўз офисида рақсга тушаётгани йўқ. У шунчаки хотиржам ва воқеалар ривожини кузатмоқда, ҳамда ҳамкорликка тайёр. Бугунги ишлар биз учун сюрприз бўлди, аммо нималар бўлаётгани сюрприз эмас", - дейди Де Грегорио.
