2015 йил 30 май куни "Ўзбекистон" спорт мажмуасида APB (AIBA Pro Boxing) турнирининг 60 кг.гача бўлга вазн тоифасида биринчи босқич биринчи учрашувлари бўлиб ўтади. Беллашувларни ўтказиш ҳуқуқини Ўзбекистон бокс федерацияси AИВА билан келишган ҳолда тақдим этди.
Шу куни тўртта жанг ташкил этилиб, 1-4-ўринни банд этган боксчилар Рио Олимпиадаси йўлланмаси учун рингга кўтирилади. Унда ҳамюртимиз Хуршид Тожибоев ирландиялик Дэвид Жойс билан, россиялик Дмитрий Полянский бразилиялик Робсон Консейкао билан куч синашади.
Яна икки жанг 5-8-поғонада бораётган боксчилар ўртасида рейтинг ўринлари учун ўтказилади. Филиппинлик Чарли Суарес швециялик Редоун Кайя билан учрашса, германиялик Артур Бриль италиялик Доменик Валентинога қарши курашади.
Мазкур босқичнинг тўғридан-тўғри Олимпиада йўлланмасини берувчи лицензиялар учун иккинчи жангларига (-60 кг.) ҳам пойтахтимиз мезбонлик қилади.
