“Насаф” - "Сўғдиёна" учрашувидан кейинги матбуот анжуманида дастлаб меҳмонлар устози Даврон Файзиев ОАВ ходимларига ўйин ҳақидаги фикрлари билан ўртоқлашди.
- Аввало "Насаф" жамоасини ҳаққоний ғалаба билан табриклайман. Ўйинда тўлиқ устунлик майдон эгалари томонида бўлди. Учрашувга тайёрлаган режамиз асосида қарши ҳужумда ҳаракат қилдик. Рақиб бизни хато қилишга мажбур қилди. Ўйлайманки, "Насаф"га муносиб қаршилик кўрсатдик. Йигитларга раҳмат айтаман. Улар бугун яхши ўйнашди. Баъзи вазиятларда "Насаф" дарвозабони ўзини кўрсатди, шунингдек дарвоза тўсини ҳам бугун "Насаф" фойдасига ишлади. Имкониятлар бўлди, бироқ гол ура олмадик.
"Насаф" қандай жамоа эканлигини билардик ва қаерда ўйнаётганлигимизни сезиб турдик. "Сўғдиёна" бу йилги мавсумда осонлик билан таслим бўлаётгани йўқ. Бизда ҳам "Насаф"дек шароитлар яратилмоқда. Биз янги даражага чиқишимиз учун бироз вақт керак. Фэйр-плейга амал қилмадик? Гол урган вазиятмиздан аввал майдонда футболчи йиқилиб ётганини кўрмадим. Шу боис фэйр-плей ҳақида гап-сўз бўлиши мумкин эмас. Мени ўзим футболчига тўпни майдондан чиқариб юборма деб айтдим, -дея ўйин ҳақидаги фикрлари билан ўртоқлашди Даврон Файзиев.
