Россия футбол иттифоқи президенти Николай Толстих лавозимидан озод этилди. Бу ҳақда Чемпионат.com портали хабар бермоқда.
Бугун Москвада иттифоқ конференцияси бўлиб ўтди. Илгарироқ делегатлар Толстихни лавозимидан бўшатишни кўриб чиқишни ёқлаб овоз беришган эди.
Мансабдор ишдан бўшаши учун 50 фоиз делегатлар унга қарши овоз бериши керак эди. Таъкидланишича, Толстих ўз лавозимини сақлаб қолиши учун 10та овоз етмай қолган. Унинг истеъфога чиқиши учун 235 овоз берилди.
Унинг вазифасини вақтинчалик президенти ўринбосари Никита Симонян бажариб туради.
Николай Толстих Россия футбол иттифоқи президентлигига 2012 йил сентябрида сайланган эди.
