"Реал"нинг янги бош мураббийи Рафаэль Бенитес "қаймоқранглилар"нинг португалиялик юлдузи Криштиану Роналдудан марказий ҳужумчи ўрнида фойдаланмоқчи.

Испаниялик мутахассиснинг фикрича, португалиялик футболчи Карло Анчелотти давридагидек чап қанотда эмас, балки айнан ҳужум марказида тўп суриши лозим. 

Бундай ўрин алмаштириш биринчи навбатда Гарет Бэйлнинг фойдасига хизмат қилади. Уэльлик футболчи келаси мавсумда ўзининг севимли позицияси – чап қанотда ўйнаши мумкин, деб ёзади soccer.ru.

Хабарингиз бор, Бэйл якунига етган мавсумда асосан ўнг қанот вингери сифатида ҳаракат қилди.