"Реал" ҳужумчиси Карим Бензема жаҳоннинг энг машҳур қўшиқчиларидан бири Рианнанинг романтик қизиқишлари доирасига тушиб қолди, дея хабар беради Daily Mail.
Сешанба куни тонгда папарацци уларни Нью-Йорк ресторанларидан биридан чиқиб келаётганини суратга олган. Маълум бўлишича, бу жуфтлик бир неча ой давомида ўзаро муноабатларини ҳаммадан сир тутиб келган.
ЖЧ-2014 чорак финалида Франциянинг Германиядан мағлубиятидан сўнг (0:1) Рианна твиттерда Бенземага тасалли берувчи сўзлар ёзган. Аммо қўшиқчи немисларнинг мусобақадаги ғалабасини нишонлаган. Уларнинг муносабатлар ўша вақтда бошланганлиги гумон қилинмоқда.
Рианна спорт дунёсидаги кишилар билан биринчи марта алоқа ўрнатаётгани йўқ. Қўшиқчи аввал баскетболчи Жей. Ар. Смит билан муносабатда бўлганлиги айтилмоқда.
