Жанубий Корея К-лигасида 14-тур учрашувлари бўлиб ўтди. Ҳозиргина терма жамоамиз сардори Сервер Жепаров тўп тепаётган “Улсан Хёндэ” клуби иштирокидаги ўйин якунига етди. Аутсайдерлардан бири “Бусан И'Парк” клуби меҳмони бўлган “Улсан” 0:1 ҳисобида имкониятни бой берди.
Бу улсанликларнинг мавсумдаги тўртинчи мағлубияти бўлди. Ўйиндаги ягона гол 20-дақиқада Весллей томонидан киритилди. Бошланғич таркибда майдонга туширилган Жепаров 49-дақиқада ўз ўрнини Шин-Вук Кимга бўшатиб берди. 14-турдан сўнг “Улсан Хюндай” 16 очко билан 12 клуб орасида 9-ўринни эгаллаб турибди.
