"Арсенал" ҳужумчиси Оливье Жиру лондонликларнинг собиқ футболчиси Тьерри Анрининг сўзларидан жаҳли чиқққанини билдирди.
Яқинда Анри "Арсенал" премьер-лигада Жиру билан ҳеч нарса ютолмаслигини айтган эди.
"Унинг сўзлари ғуруримга тегди. Мен футбол билан ҳар куни шуғулланаман, у эса менинг меҳнатларимни шубҳа остига қўйди. Ҳа, аввал аччиғим чиқди, кейин ўзимни босдим. У билан кўришиб қолсак, бу воқеани эслаб кулишамиз. Кек сақламайман", - дейди Жиру.
Жиру "Арсенал"да 2012 йилдан буён ўйнаб келмоқда ва 97 учрашувда 41 та гол урган.