Ўзбекистонда футболга асос солинган шаҳар жамоаси билан бекободликлар мамлакат чемпионатларида 10 та ўйин ўтказишган. Мазкур учрашувларнинг 3 тасида Тошкент вилояти вакилларининг қўли баланд келган бўлса, иккита ўйинда дуранг натижа қайд этилган. Бешта ўйинда эса водийлик футболчилар муваффақият қозонишган. “Металлург” рақиблари дарвозасига 14 та гол киритиб, ўз дарвозасидан 18 гол ўтказиб юборган.   “Металлург”нинг энг йирик ҳисобдаги ғалабаси 2000 йилги чемпионатда кузатилган бўлиб, ўшанда бекободликлар “Темирйўлчи”ни 6:1 ҳисобида доғда қолдирганди. Қўқонликларнинг йирик ғалабаси 5:1 ва 4:0 ҳисобларида ўз аксини топган.   Жамоалар Бекободда бешта ўйинда куч синашишган. Учта ўйинда “Металлург”нинг қўли баланд келган бўлса, битта ўйинда дуранг натижа қайд этилган. Битта ўйинда эса омад “Қўқон 1912” жамоасига кулиб боққан. Қуйида Бекободда бўлиб ўтган барча учрашувларда қайд этилган натижалар билан танишинг:   14.05.2003                 Металлург     –          Қўқон 1912               3:1 23.03.2002                 Металлург     –          Қўқон 1912               0:2 20.09.2000                 Металлург     –          Темирйўлчи              6:1 18.04.1999                 Металлург     –          Темирйўлчи              2:0 29.05.1998                 Металлург     –          Темирйўлчи              1:1