Германиялик таниқли мураббий Оттмар Хитцфельд ФИФА президенти Зепп Блаттер ўз хоҳишига кўра истеъфога чиқиши маълум  бўлганидан кейин ташкилотнинг янги раҳбари бўлишга немис футболининг афсонаси Франц Беккенбауэр муносиб эканлигини таъкидлаб ўтди.

– Мен ушбу лавозимга муносиб бўлган номзодни биламан, лекин у бу каби ишлардан четлашган. Бу Франц Беккенбауэр, – дея Хитцфельд сўзларидан иқтибос келтиради Спорт Экспресс. 

– У кўпни кўрган, ФИФА ва футбол манфаатларини ҳамма ерда ҳимоя қила олади. Ташкилотга ошкоралик ва шаффофлик кераклигини ҳисобга олсак, Франц ҳалол инсонлиги билан бу бандга ҳам муносиб.

– Беккенбауэр футболчилик вақтида кўплаб совринларни, хусусан, кетма-кет Европа Чемпионлар кубогида ғолиб чиққан, ЖЧ-1974 ва Евро-1972 мусобақаларида ғалаба қозонган ва 1972- ҳамда 1976-йилларда “Олтин тўп” совринини қўлга киритган. 

Қизиғи Беккенбауэр ҳимоячи бўлатуриб бу мукофотни олган биринчи футболчи. Футболчилик фаолиятини тугатганидан кейин “Бавария”, “Марсель” ҳамда Германия терма жамоасида бош мураббий бўлиб ишлади. ЖЧ-1990да “Немис машинаси”ни олтин медаллар сари етаклай олди, клублар миқёсида Германия ва Франция чемпионликлари, шунингдек, УЕФА кубоги бош совринини юта олган. ЖЧ-2006га тайёргарлик бўйича ташкилий қўмитани ҳам бошқарган, - дейди Хитцфельд.