Ёшлар ўртасида жаҳон чемпионатининг "D" гуруҳида гуруҳ босқичи ўйинлари ниҳоясига етди. Сўнгги учинчи турда Мали - Уругвай учрашувида 1:1 ҳисобида дуранг қайд этилди.

Сўнгги тур олдидан бу икки жамоа ҳисобидан 3тадан очко мавжуд эди, дурангдан сўнг бу жамоалар 4тадан очкога эга бўлишди. Ҳар иккала жамоанинг натижалари абсолют бир хил бўлгани боис, регламентга кўра, иккала жамоанинг гуруҳдаги ўрни мини-қуръа орқали аниқланди. Қуръа натижасига кўра, Уругвай 2, Мали эса 3-ўринни банд этди. Ҳар иккала жамоа нимчорак финалга чиқди. 

Иккинчи жуфтлик: Сербия ва Мексика ўртасидаги учрашув олдидан ҳам жамоалар ҳисобида учтадан очко бор эди. Аммо сербиялик ёшларнинг 2:0 ҳисобидаги ишончли ғалабаси гуруҳда биринчи ўринни эгаллашда қўл келди.

ЖЧ U20. "D" гуруҳи.

3-тур

Мали - Уругвай 1:1 (1:1)
Голлар: Адама Траоре (43) - Франко Акоста(16).

Сербия - Мексика 2:0 (2:0)
Гол: Неманья Максимович (2), Андрийа Зивкович (43).