Амалдаги жаҳон чемпиони – Германия миллий терма жамоаси устози Йоахим Лёв ЕЧЛ финалида “Барселона” “Ювентус” устидан ғалаба қозониб мусобақа ғолиби бўлади деб тахмин қилмоқда.
Германиялик мутахассис каталонияликлар ўйинини кузатган ва Луис Энрике қўл остидаги жамоа Массимилиано Аллегри шогирдларини мағлуб этишига ишонмоқда.
– “Барселона” ғалаба қозонади деб ўйлайман, – дея Лёв сўзларини келтиради УЕФА расмий сайти хабарига таяниб Спорт Экспресс. – “Ювентус” жуда кучли шу билан бирга таслим бўлмайдиган клуб. Жамоа яхши ўйин кўрсатади. Лекин Каталония клубининг иккита учрашувини томоша қилдим ва шундан келиб чиқиб, “Барса” ҳар қандай клбуни мағлуб эта олади деб хулоса қилаяпман.
