“Локомотив” – “Қизилқум” жамоалари ўртасидаги беллашув якунлангач одатдагидек бош мураббийлар ва ОАВ ходимлари ўртасида матбуот анжумани ташкил қилинди. Дастлаб меҳмонлар устози Юрий Лукин саволларга жавоб қайтарди.

- Ўйин охиригача катта босим остида ўтди. Биз ҳаракат қилдик, бироқ ўйлаганимиз амалга ошмади. Қисқаси, учрашув ёмон ўтгани йўқ. 

- Ўтказиб юборилган тез гол жамоа ўйинига таъсир қилдими?
- Албатта. Рости, тезкор гол бизга ёмон таъсир қилди. Режаларимиз ўзгариб кетди.
 
- “Локомотив” бугун мавсумдаги энг ёмон ўйини кўрсатди. Лекин сизлар бундай фойдалана олмадиларинг. Футболчиларинг худди гол уришни истамагандек ҳаракат қилди?!
- Гол уришни истамасак майдонга тушиб нима қиламиз? Шунчаки, вазиятлардан фойдалана олмадик. Бизда йўқотишлар бор эди. Алишер Санаев жароҳат билан ўйнади. Деркач ва Шевченко умуман ўйнамади. Бизнинг таркибимизни “Локомотив” билан солиштириб бўлмайди. Уларда учта таркиб бор. Бизда бир таркиб. Бу ҳам мағлубиятга сабаб бўлди.