«Динамо» - «Пахтакор» ўйинидан кейин меҳмонлар бош менежери Самвел Бабаян ўйин борасида тўхталиб ўтди.
«Олий Лигада осон ўйиннинг ўзи йўқ. Бугун кичик ҳисобда ғалаба бўлсада, йигитлар характер кўрсата олишди. Руҳий жиҳатдан оғир учрашув бўлди. Энг асосийси ҳақли ғалабага эришиб мақсад сари навбатдаги қадамни ташладик.
- Гол муаллифи Игорь Сергеев бошидан жароҳат олиб ўйнади. Унинг ҳолати қандай?
- Очиғини айтсам, менда шундай таасуротки, худдики ўйиндан олдин «Динамо» футболчиларига «Пахтакор» ўйинчиларига жароҳат етказиш кўрсатмаси берилгандек. Сергеев ва Станислав Андеевлар бошларидан жароҳат олиб, ўйнашди. Тушунаман, ўйин асабий руҳда ўтди, яккакурашлар жуда кўп бўлди, аммо маълум чегарадан чиқмаслик лозим. Ҳеч қиси йўқ, йигитлар жиддий жароҳат олишмаган.
