Тошкентнинг “Локомотив” клуби аъзоси, иқтидорли ҳимоячи Бобур Йўлдошевнинг давралар оралиғида “Навбаҳор” сафига бориб қўшилиши кутилмоқда.
Ўз вақтида Ўзбекистон ёшлар терма жамоасида тўп сурган, ёш бўлишига қарамай “Локомотив”нинг асосий футболчиларидан бирига айланиб улгурган Йўлдошев ушбу мавсумда асосий вақтини заҳира ўриндиғи ва ўринбосарлар таркибида ўтказмоқда.
Табиийки, ушбу ҳолат футболчини қониқтиргани йўқ. Олган маълумотларимизга кўра, Бобур Йўлдошев иккинчи даврани “Навбаҳор” таркибида бошлайди.
Эслатиб ўтамиз, Йўлдошев ўз вақтида “Навбаҳор” бош мураббийи Бахтиёр Ашурматов билан бирга “Локо” сафида тўп сурган.
